Dövlət təhsil siyasətinin prinsiplərinə riayət etmək;

Dövlət və özəl təhsil müəssisələri arasında səmərəli əməkdaşlığı inkişaf etdirmək;

Özəl təhsil sektorunun inkişafı üçün əhəmiyyət kəsb edən məsələlərlə bağlı qanunvericilik təşəbbüsü ilə çıxış etmək,

Hazırlanmış qanun layihələrinə dair rəy və təkliflərini müvafiq dövlət orqanlarına təqdim etmək;

Özəl təhsil sektorunun rəqabətliliyinin təmin etmək məqsədilə sektorda çalışanların peşəkarlıq səviyyəsinin arıtılması ilə bağlı tədbirlər görmək;

Özəl təhsil müəssisələrinin fəaliyyətinin genişlənməsi, ümumi bazar payının artırılması üçün ortaq fəaliyyətlər, o cümlədən bazar tədqiqatları, sektoral araşdırmalar, təlimlər, təbliğat və təşviqat fəaliyyətləri təşkil etmək;

Özəl təhsil müəssisələri arasında hər bir müəssisənin özünəməxsus sistemini qorumaqla ümumi məsələlərlə bağlı (infrastruktur, yemək, geyim, təhlükəsizlik, işçi və s.) standartlar formalaşdırmaq;

Özəl təhsil müəssisələrinin beynəlxalq platformalarda tanıdılması və fəaliyyətinin genişləndirilməsi üçün müxtəlif fəaliyyətlərin icra etmək;

Sektorun inkişafı üçün beynəlxalq qurumlardan qrantların, güzəştli kreditlərin və digər maliyyə resurslarının əldə olunması istiqamətində əməkdaşlıqları inkişaf etdirmək;

Özəl təhsil müəssisələrində inklüziv təhsil imkanlarının genişləndirilməsi məqsədilə əməkdaşlıqlar qurmaq, xüsusi istedadı olan və ya xüsusi öyrənmə ehtiyacı olan şagirdlər üçün ortaq təhsil imkanlarını formalaşdırmaq.